El Clokî.

Seûr lès Aclots dè ‘m course, pus jamés n’èrviront
El clokî d’Sinte-Djèdru avè ‘s bia cariyon.
El feu nos l’a rosti, toute ène oprès-dinné,
Djè m’ d’in souvî » si bî », au mitan du mwès d’mé.
El solèy tapoût foûrt, d’abzass’ d’su lès ôrdwèsses,
No vî Djan stoût binéche, binéche dè toudi yèsse
Et pus vî dès Aclots yè ‘I mésse dè toutes lès clokes
Spârdûwes dins lès poûtrèles, pindant bèrlike bèrloke.