Ene pètite fauve.

( Adaptation en aclot d’un texte en wallon de Cerfontaine, de Claude Delizée.)

C’est Juyète qui vint d’vîr qu’èl lampe dèl câve nè lume pus. Èle dèmande à Djosèf, ès n-ome : « Quand vos ârez ‘ne munute, volez bⁱⁿ » rwéti al lampe dèl câve? ».

— Li: « Mins mi, djè n’sûs nⁱⁿ élèctrizyin, savez ! ».

Sacans djoûs pus târd, vlà qu’èl robinèt dèl cûjine s’mèt à pichî tout seû. Niⁿ moyi’ dè l’ sèrer, i spite tout l’eûwi. Juyète dèmande co à ’s n-ome: « i vos fauroût rwéti à ‘m robinèt ».

— Li: « Ô ! doûcemint,djè n’sûs nⁱⁿ plombier, mi ! ».

Ël timps passe èy’ èl robinèt cour’ toudi. Il a djà bⁱⁿ lonmin qu’l’uch dèl drèsse tape su les nêrs dè Juyète : tous les coûs qu’èle droufe l’uch pou prinde ène jate, ça crin.ne. Pou fini, èle dèmande à ‘s n-ome d’arindfji ça.

……..