» El mézo des baronîs «

El tchèmin qui min.ne là, in vré tchmin d’Rogâçions,
Monte intrè les uréyes viè ‘l mézo dins ‘l clérière;
Au dzeûr des baronîs qui crèchont sins façons,
Cour’ in èstwèlî nwêr ou rglatichant d’lumière.

Intrè les crayes des ârbes qui li fzont in ridau,
On ragide, tous dins ‘l fond, in bokè du vilâdje,
Des pachîs yusk’èl « Train » farfouye dins lès frèchaus
Yè tout à ‘s vèrzinèye, i djâse èy’ i ramâdje.

……..