» L’amûzette » et » Deûs ptits pièrots «

L’amûzette

El tchèrète ratindoût
èyè ‘l tchèvau socloût
là, pa d’vant ‘l cabarèt.
Is ratindine dins ‘l pieufe
glacèye qui les trimpoût.

Bin au tchaud, d’estampé
yê sins yèsse apowé
l’ome èrlopoût ses pintes
gueûlard èy a grands jêsses
tout comme in dèsraté,

Deûs ptits pièrots

El nîve èyè ‘l fwèdur’ s’astârdjont dins ‘l coron,
El warglas rascouvrit les mézos yè les voyes.
‘L coulète a des tchandèles, l’iau est prîje dins les royes,
El bîje éskète les ârbres, fét draner les buchons.

Deûs ptits pièrots tout mètch, transis yè dêsbârdés,
A pièrce su ‘ne couche lûjante d’in roûsî qui gèrlote,
Leû vinte vûde, is sont là, gidant l’uch qui clicote,
Ratindant sins tchipter les mûkmins du rciner.