Mèchnâdje

Mèrcrèdi, après din.ner
Èl pètit Ludo, nèf ans, èrvint à ’s mézo pou souper. Il a passé tout l’après-din.ner dèwoûr. Lizète, és
maman, li dmande çu qu’il a fét su tout ’s timps-là.
– Ô… pou couminchî, dj’ai djuwé au foutbal avè les coumarâdes dè l’èscole… après, quand il ont sté rvoye, dj’ai sté vîr Julîye… On s’a promins qu’on daloût s’marier inchène…
Lizète troufe ça adorâbe dèl pârt d’ès pètit djoûne. Èle nè vût nin s’foute dè li, ça fét qu’èle
contunûwe èl djeú :
– Â… èyè comint dalez fé pou les frés du mariâdje, on, Ludo ?
– È bin, avè les dîj´ euros qu’papa yè vous, vos m’donez come drîguèye chake sèmin.ne, plus´ les
dîj´ euros qu’Julîye èrcwèt chake sèmin.ne ètou, ça dvroût daler…
– Ça, d’acoûrd, disst-i Guiyaume, èl papa, mins faura pus qu’ça… èyè si Julîye èyè vous vos avez in
ptit bèbè ?
– Ô, pou ça ! Djusk’asteûr nos avons yeû dèl chance !