Poésie :  » Em Kloki. »

Es nût ci, d’j’ai rêvé qu’d’j’astou co à Nivelles !
D’j’ai rvu el Bos du Spluc, Boûrnivau, l’Ardinelle,
El Dodaine, ça bî seûr, qui s’qui pu l’roublii ?
Eyè les incwètes ètou, pa dsou leu haut kloki…

Mais li a sté brûlé pindint l’guerre dè quarante !
Djè l’ai seu, bî n’après, lauvau dins les Charentes
Usquè comme branmin d’z’autes dj’avou évacué,
Pou rtrouver les Allemands, dins mes pîds, d’tous costés…

Dj’ai sti d’bauchi savè, yè ça vo povez m’cwère,
Dè savwè qu’èm kloki astou voye in fumière
Dj’ai dmeuré bras squeuwants, come in èfant pièrdu,
In sachant qu’èm kloki, djè n’èl vîroû pus…

……..