Fable – El TCHIN.NE EY’ EL ROJA

Èl tchin.ne èy’ èl roja. De Jean de la Fontaine. Adaptation « aclote » Remy Jeanson. Bin

Èl tchin.ne èy’ èl roja.

De Jean de la Fontaine.
Adaptation « aclote » Remy Jeanson.

Bin astoki, ses pîds bin plantés dins ‘l têre
Ès tièsse au stwèli, dvisant avè les èstwèles,
In tchin.ne, lè rwè dèl forèt, stoût binéje d’yèsse èl pus foûrt des plantâdjes dèl créyacion, asseûré què rin n’povoût li z-ariver

Tapant in î ‘ne miyète pus lon, i vwèt sul boûrd d’in richot in roja, sul kél in ptit pièrot s’avoût posé, èyè l’ roblidjoût à bachî ‘s tièsse.
Criyant après, i li dit :« Vos avez bin rézo d’in voulwère al natur’ … èle nè vos a nin gâté. » Minme nin in vint d’ bîje ! djusse ène pètite ou èye èyè vos stéz roblidjî dè crombî vo dos.

Tèrchèdon qu’mi djè fés d’l’ombe au solèy’ èyè ‘l vint qui asprouv’ dè m’ djoûwer cîk lignes, nè pût rin conte dè mi.

Si vos âriz vnu au monde asto d’mi, djè vos âroûs protéjé des orâdjes, mins non ! Vos vikîz asto dè l’ iau à tous les vints, vos dvez vos tni à les couches, vos dvez fer atincion à vous à chake pètit coûp d’ vint !

……….


Laisser un commentaire