Dins l’parc

is n’sont ri qu’à deux, sus l’banc qui tchamousse,
lez l’dodaine qui doûrt intrè les rojas,
in oss’cu, lauvau, cache après ses crousses,
in pidgeon vi vir, toûne, ervi, s’èva..

in p’tit vint d’awousse cacouie el’coupette
des pouplis pansus comm’ iun qu’a bi l’temps,
el ri, vos diriz qu’i r’passe ess’cwèjette
dèvant d’fer l’plondgeon dins l’murwè d’létang.…

s’qu’à dins les racwins, l’soleie qui s’estitche
coule intrè les feuies comme dins in tamis,
èyè les pèchons passont leu guèsitche
ci, doûlà, pu long, co doûlà, co ci.

……..