Asprouvez ‘ne miyète dè dèscoumler çà.

L’istwêre ès passe dins in ospitau èyusk’on sougne les djins dèsrindjis dèl tièsse.

Ël dirècteür va trouver Djozèf, in nouvia malâde qui vi” d’ariver, èy’ li dmande : « Qu’avez yeü pou vos rtrouver doûci, avez sté fayeû ? ».
« Non-fét », dist-i Djozèf : « Em maleür a couminchi ‘ djoû qu’dj’ai volu m’ mête in min.nâdje. Djè d’ai fét yeune dè bièstriye, dj’ai marié Fifine, ène veûve qu’avoût ’ne fiye dè vint-cik ans,
Féliciye. Féliciye, du coûp, est dèvnüwe ‘m bèle-fiye ».

« Il a sacans anéyes dè dci, dj’avoûs pièrdu ‘m moman, èyè ’m papa , Firmin, s’avoût rtrouvé tout seû. In bia djoù qu’i stoût vnu nos dire bondjoû à no mézo, vlà t-i niⁿ qui tché amoureû d’Féliciye, ‘èm bèle-fiye. Il viyoût si volti qu’ça n’a niⁿ trin.né : chî smin.ne pus târd, is stine mariés .Vlà ‘m bèle-fiye qui dvi » ’m bèle-mére ! Qui c’qu’äroût pinsé ça! ».

……..