El Bribeû

Dins l’nétche qui tchét, qui tchét, qui tchét,
El bribeû sètch è mèsalé
S’in va dins sès monvés solés
Briber çu qu’on vût bî li dner
D’ène cinse à l’ aute…
Lès ploumious tchèyont sins djoquî
Come lès fleûrs tchèyont du pumî
Come dins l’grègne, à l’awousse tchèriyî
Les pautes…
El bribeû, dins l’nétche qui s’èstind
Clapant d’sès pîds, s’plindant d’sès mains
Rèfe à pus târd dins l’vint qui rbeûle….

……..