Poésies : » Em djârdin d’octôbe. » et » Novembe. »

Em djârdin d’octôbe

C’èst ‘l mauve séson dès Sinte-Catrine

Lès brunès mastouches d ‘èm djardin
Brèyont leûs péles dins lès matins ;
L’ér a ‘l fwède odeûr d’èl roûséye
Yèt ‘l brouyârd trin.ne su lès-uréyes.

C’èst ‘l mauve séson dès Sinte-Catrine

In p’tit vint dès bîye lès gayîs,
Su l’aye, lès fleûrs èt lès pachîs,
On-intind chucheler ‘l plouvinète,
Ele fét ‘rglati lès pwès d’ conrète.
……….

Novembe

Eyèt vlà co novembe èyèt vlà co lès vints.
No vîye méso bèrcéye pa ‘l doûce tchanson dès franes
Ascoute l’arière-séson qui court t’t-avau lès tch’mins
Su ‘l djardin dèsploukî, su ‘l courti qui triyane,

Eyèt vlà co ‘l brouyârd, èl clér qui racourcit
Et lès grands tchamps d’ bruwêres qui soklont su lès crèsses,
Infardèlés d’ roûséye dins lès criyaus ‘rsètchis
Adon qu’èl lumiêre tardje dins ‘l matin qui s’aprèsse.

……..