Franz Dewandelaer – de son recueil Carnèvâl : Novembe – Décembe

Novembe

Novembe… On djoûwe aus rwės, au racapia, al souye
On djoûwe à cârte pou des lapins (c’est ligne à couye)
On va à fawines dins les bos
On fait des gaufes yè des restons pou les rculots
Yè les clokes des égliches sounont pou les dèspouyes…

« Au Toussint ‘I blé dwèt yèsse sèmé
Eyè les frûs bir rinsèrés ».

Tchanson:
Au Toussaint les moûrts sonsst’ al fièsse,
Les vivants vnont dsu pèstèler;
Wit’ djoûs dvant ‘l cémintière s’aprèsse
Ėy’ on couminche à sarkèler.
On scur’ les cwès come pou ‘n ducasse,
On fét rlûre les grossès lètes d’oûr;
Çu qu’èl vijin fét, on l’surpasse :
C’est dinsi qu’on sontche à les moûrts.
….

……………

Décembe

Décembe… mwè d’St Élwè, mwè d’Ste Bârbe, mwé des prones.
Mwè d’St Nicolas pou l’z èfants qu’nos alvons,
Mwé des scrènes, mwé des tripes yé des nieufès marones.
Les gamins cascognont tant qu’les gamines dansont,
Eyusk’il a des gayes, il a râde des bastons,
Mins quand il a des fiyes, il a ‘n masse de garçons.

« Quand St Élwè foûrdjoût,
St Oculi soufloût ».

<< Yuskè St Arnoul va,
St Aubert n’y va pas ».

«Al Ste Luce
‘L saut d’ène puce ».

« Al Ste Lucie, les nût’
Descrèchont d’sacans munutes ».
….

…………..