Mèchnâdje

Al voléye (de Michel Pourtois)
Pon d’ traducsion (tirez vo plan )

–

Èl gouvèrnèmint nos raconte qu’èl dèconfinemint a à vîr avè pluzieûrs facteûrs…
Dj’ai dmandé au mien : i n’est nin au courant.
On nos mint co !

–

Ène masses des masses. Co des masses… Alez, des masses ! Abîye, abîye , des masses…
Ça fét qu’on va daler dmander à des gugusses qui candjont d’èscaneçon in coû tous les kate djoûs dè candjî d’masse toutes les katr’ eûres !
Alons, alons !

–

Djè vins d’lîre in lîfe su les ravâdjes dè l’alcol.
Brrr… Ça fét peû ! C’est dècidé, à pârti d’audjoûrdu… dj’arète dè lîre !

–

Djè sûs invité pa des counichances pou daler dins in camp d’naturisses.
Djè balzine co si d’vas daler… C’est què d’sûs imbété, viyez… djè n’ai rin à m’ mète.

–

Jèrârd, djè d’ai djusse pou deûs munutes, savè… djè manke dè suke, djè m’vas râde d’in ké dèlé no
vijine… vos n’roubliyîz nin d’aroser ’l roti toutes les dmi-eûres, s’i vos plét ?

–

Sâcrè Jèrârd… (avè li, si les inocints volerine, bin seûr qu’i sroût chèf d’èscadrîye !)
D’après ç’qu’i dit, c’est ses èmorwites qui l’impétchrine dè sèrer ses îs au nût´!

« Cîk sèmin.nes sins cwèfeû,,. sins èstéticiène… » disst-èle Simone.
– Eûreûsemint, avè vo masse, ça dira co toulminme pou vous daler à comissions… què d’li rèspond.
Èyè ça co stî margaye.

……..