Mèchnâdje

Malvina, adaptation en aclot

Tur du blatch èyè Malvina vont s’marier,
Tout ’l monde vos l’dîra,
Mins t’aleûr pou ’ne carabistouye,
Is stine co ’ne miyète in disbrouye.
Mi djè l´zè rwétoûs sans fé chènance yè sans moufter,
Mins quand dj’ai vu Tur, poke dins ’s n-î, poke dsu ’s nez,
Mambourner ’s future, èl ploumer yè l’satchî pal tchèvlur´,
Djè li z-ai dit : «Tout doûs là, Tur !

Ou bin dj’vos poke èl tièsse conte èl mur´».

È bin, si ça n’astoût nin mi qui l’dîroût,
Vos n’mè cwérîz nin,
Vlà qu’Malvina crîye t’à n-in coû :

«Téches-tu voyou,
– Yè ç’astoût à mi qu’èle d’avoût –
» Si Tur èm bat, ça n’vos rgârde nin,».
» C’est ’ne preûve par là qu’i m’vwèt voltî ».

……..