Nowé

Nowé

Dès bias sapins, dès stinglantès lumières,
Bèlès vitrines qui vos fèzont blèfer,
Dès crèch’ gârnîyes, du boun feu, dès fumière,
Mènus chwèzis, tintâcions d’èrnifler !
On bwèt, on tchante, on n’erwete nin a ‘n danse,
Sans s’èrtoûrner aus pus poûves dès vijins
Cor qu’is vikrine dins l’dèsbine, dins lès transes ;
Cu qu’on ratind c’èst tout l’plézi qu’on prind.
Pasqu’au Nowé c’èst la moûde qu’on fét fièsse ;
Ca s’roût in djeu s’on n’rèvèyonoût nin ;
Seûr què c’èst n’fouke qui passe co dins lès tièsses,
Faut qu’on moustère qu’on a étou dès bin ……..